Mu mukanda wa Nsumuinu mudi mibelu mimpe bua baledi. Anu bu mudi kululamija tumatamba tua mitshi kuenza bua tukole bimpe, kulongesha bana kudi kubapetesha dijinga dikole dia kuenzela Yehowa mudimu padibu bakola.

22:6

• Bidi bikengela dîba dia bungi ne kudienzeja bikole bua kulongesha bana bimpe

• Baledi badi ne bua kuikala tshilejilu tshimpe kudi bana babu, ne badi ne bua kubalongesha, kubadimuija, kubakankamija ne kubanyoka mu mushindu muimpe

22:15

• Dinyoka ndilongesha difila ne dinanga didi diakaja lungenyi lua bana ne muoyo wabu

• Bana batu dijinga ne manyoka a mishindu ya bungi