Ngikadilu kayi iutu musue bua mulunda webe ikale nayi? Pamuapa ndulamatu, bulenga, ne muoyo wende wa kupeshangana kua bintu. Ngikadilu yonso eyi, Yehowa udi nayi. (Eks 34:6; Bz 14:17) Udi uteleja masambila ebe. Udi ukuambuluisha dîba dionso diudi ne bualu. (Mis 18:19, 35) Udi ukubuikidila bilema. (1Yn 1:9) Yehowa mmulunda mulenga wa dikema!

Mmunyi muudi mua kulua mulunda wa Yehowa? Ikala ubala Dîyi diende bua umumanye bimpe. Ikala umukuatshila malu. (Mis 62:8; 142:2) Leja ne: udi munange bidi Yehowa munange bu mudi Muanende, Bukalenge buende, ne malu adiye mulaye kumpala eku. Manyisha bantu bakuabu malu ende. (Dut 32:3) Wewe mudie bulunda bukole ne Yehowa, neashale mulunda webe bua kashidi.​—Mis 73:25, 26, 28.

NUTANGILE FILME WA BANSONGA: “LABULAYI NUMONE NE: YEHOWA MMUIMPE,” PASHISHE NUANDAMUNE NKONKO EYI:

• Mmunyi muudi mua kudilongolola bua kudilambula ne kubatijibua?

• Mmunyi mudi bena mu tshisumbu mua kukuambuluisha bua kuenzela Yehowa mudimu?

• Mudimu wa buambi udi mua kukolesha malanda ebe ne Yehowa mushindu kayi?

• Mmidimu kayi iudi mua kuenza mu mudimu wa Yehowa?

• Ntshinyi tshidi tshikusankisha kudi Yehowa?