TUIKALAYI NE NSOMBELU WA BUENA KRISTO
Dinanga ntshimanyinu tshia bena Kristo balelela: Lekela budinangi ne tshiji tshia lukasa
BUA TSHINYI? Yezu wakalongesha ne: dinanga ke divua ne bua kuikala tshimanyinu tshia bayidi bende. (Yne 13:34, 35) Tuetu basue kuleja dinanga dia buena dia Kristo, tudi ne bua kuteka majinga a bakuabu kumpala, ne kuepuka tshiji tshia lukasa.—1Ko 13:5.
TSHIA KUENZA:
-
Muntu yeye mukuambe anyi mukuenzele bualu budi bukunyingalaje, tukija, ukebe mua kumanya tshidi tshimusake bua kuenza nanku, ne wele meji bua bipeta bidi bualu buudi ukeba kumuenzela mua kupatula.—Nsu 19:11
-
Vuluka ne: tuetu bonso tudi bena mapanga, ne imue misangu tutu tuamba anyi tuenza malu atu alua kutunyingalaja pashishe
-
Jikija bilumbu ne lukasa
NUTANGILE FILME WA “NUIKALE NE DINANGA MUNKATSHI MUENU”—LEKELA BUDINANGI NE TSHIJI TSHIA LUKASA, PASHISHE NUANDAMUNE NKONKO EYI:
-
Mmunyi muvua Larry muandamune Henri bua bualu buvuaye mumuambile?
-
Ntshinyi tshivua tshiambuluishe Henri bua kubenga kufiika munda lukasa?
-
Diandamuna dimpe dia Henri ndiakaje malu akavua anyanguka mushindu kayi?
Patudi tudikanda ku tshiji tshia lukasa, mmunyi mudibi biambuluisha bena mu tshisumbu?
