Lumingu lua dia 18-24/11
MISAMBU 107-108
Musambu wa 7 ne disambila | Mêyi a mbangilu (Mun. 1)
1. “Elayi Yehowa tuasakidila, bualu yeye udi muimpe”
(Min. 10)
Yehowa mmutusungile, mutupatule mu bulongolodi bua Satana ebu anu muvuaye musungile bena Isalele, mubapatule mu Babilona (Mis 107:1, 2; Kls 1:13, 14)
Dianyisha ditudi nadi kudi Yehowa didi ditusaka bua kumutumbisha mu tshisumbu tshia bena Kristo (Mis 107:31, 32; w07 15/4 20 §2)
Tuetu tuelangana meji bimpe bua malu adi Yehowa utuenzela, muoyo wetu neuwule tente ne dianyisha (Mis 107:43; w15 15/1 9 §4)
2. Bubanji bua mu Dîyi dia Nzambi
(Min. 10)
-
Mis 108:9: Bua tshinyi mbafuanyikije Moaba ne “dilongo dia kuowela mâyi” dia Nzambi? (w23.10 17 §20)
-
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?
3. Dibala dia Bible
(Min. 4) Mis 107:1-28 (th dilonga 5)
4. Mua kubanga kuyukila ne muntu
(Min. 3) PADI MPUNGA UMUENEKA. (lmd dilongesha dia 1, kamutu ka bualu 4)
5. Dipinganyina muntu
(Min. 4) PADI MPUNGA UMUENEKA. Wambile muntu bua programe wetu wa dilongesha bantu Bible ne umupeshe karte ka longa Bible. (lmd dilongesha dia 9, kamutu ka bualu 3)
6. Muyuki
(Min. 5) ijwyp 90—Tshiena-bualu: Ntshinyi tshindi mua kuenza bua kuepuka ngelelu mubi wa meji? (th dilonga dia 14)
Musambu wa 46
7. Tutu tuimba misambu bua kuela Yehowa tuasakidila
(Min. 15) Diyukidilangana.
Yehowa mumane kusungila bena Isalele ku mbuu mukenze kudi tshiluilu tshia bukole tshia bena Ejipitu tshivua tshibenza buôwa, bakimba musambu bua kumuleja dianyisha. (Eks 15:1-19) Bantu balume bakatuadija kuimba musambu mupiamupia au. (Eks 15:21) Yezu ne bena Kristo ba kumpala bakatumbisha pabu Nzambi ne misambu. (Mat 26:30; Kls 3:16) Tuetu petu tutu tuimba misambu mu bisangilu, mu mpuilu, ne mu mpungilu bua kutungunuka ne kuleja Yehowa dianyisha. Tshilejilu, musambu utudi tufuma ku dimba wa ne: “Tuasakidila, Yehowa!,” tudi batuadije kuwimba mu bisangilu bietu katshia ku 1966.
Bantu balume ba imue miaba badi mua kumvua bundu bua kuimba misambu munkatshi mua bantu. Bakuabu bobu badi mua kudikanda bua kuyimba bualu badi bela meji ne: kabena ne dîyi dia misambu to. Kadi mbimpe tuvuluke ne: kuimba misambu mu bisangilu mmushindu mukuabu utu tutendelela Yehowa. Bulongolodi bua Yehowa butu budienzeja bikole bua kutupatuila misambu mimpe ne butu butusunguila ya kuimba mu tshisangilu tshionso. Kuimba misambu pamue mmushindu mupepele utudi tuleja Tatu wetu wa mu diulu dianyisha ne tuleja mutudi bamunange.
Ela filme wa Mudi malu etu maye kumpala too ne lelu—Dipa dia misambu. Tshitupa 2. Pashishe webeje bateleji ne:
-
Mbualu kayi bua mushinga mukole buakenzeka mu 1944?
-
Mmunyi muvua bana betu ba mu Sibérie baleje muvuabu ne disanka dia kuimba misambu ya Bukalenge?
-
Bua tshinyi Bantemu ba Yehowa batu bamona ne: kuimba misambu kudi ne mushinga wa bungi?
8. Dilonga dia Bible dia tshisumbu
(Min. 30) bt nshap. 18 §6-15
