1:20; 2:1, 2

• “Mitoto muanda mutekete”: Mbakulu bela manyi ne bakulu bakuabu bonso

• “Mu tshianza tshia balume” tshia Yezu: Yezu udi utangila mitoto ayi, uyikokesha, ne uyilombola. Biobi bikengela kunyoka mukulu kampanda, Yezu neamunyoke mu mushindu muakanyine ne pa dîba diakanyine

• “Bitekelu bia miendu muanda mutekete bia or”: Mbisumbu bia bena Kristo. Anu muvua tshitekelu tshia miendu tshivua mu ntenta wa tshitendelelu tshikenkeshamu, ke mudi bisumbu bia bena Kristo bitupetesha petu butoke bua bulelela bua kudi Nzambi. (Mat 5:14) Yezu udi “wenda munkatshi” mua bitekelu bia miendu mu ngumvuilu wa ne: udi uludika malu adi enzeka mu bisumbu bionso