8:6-9, 12; 9:1-5, 23, 24

Pakabanjijabu buakuidi bua Alona, Yehowa wakenza bua kapia koshe mulambu wa kuosha wa kumpala uvuabu balambula au. Bualu abu buvua tshijadiki tshia muvua Yehowa muanyishe buakuidi abu. Tshivuaye muenze atshi tshivua tshikankamije tshisamba tshijima tshivua muaba au bua kutua buakuidi abu mpanda. Lelu, Yehowa mmuteke Yezu Kristo mutumbishibue bua ikale Muakuidi munene. (Eb 9:11, 12) Mu 1919, Yezu wakateka kasumbu kakese ka bela manyi bua balue “mupika wa lulamatu udi mudimuke.” (Mat 24:45) Ntshinyi tshidi tshikujadikila ne: Yehowa udi ubenesha mupika wa lulamatu, udi umuanyisha, ne udi umuambuluisha?

• Nansha mudiku buluishi bua bungi lelu, mupika wa lulamatu udi utungunuka ne kufila biakudia bia mu nyuma

• Lumu luimpe ludi luambibua “pa buloba bujima budi bantu basombele” anu mukavua Bible muambe.​—Mat 24:14

Mmunyi mutudi mua kutua mupika wa lulamatu udi mudimuke mpanda?