Katshia anu ku kale, bakokeshi ba mbulamatadi mbambuluishe batendeledi ba Yehowa mu bikondo bishilashilangane. (Ezl 6:1-12; Est 8:10-13) Nansha matuku etu aa, tudi bamone mudi “buloba,” mmumue ne: bantu ba mu bulongolodi ebu badi ne meji mimpe, bumine “musulu” wa dikenga didi “dragon,” Satana Diabolo ukengesha nadi bantu ba Nzambi. (Bua 12:16) Yehowa, Nzambi “udi upandisha,” udi imue misangu mua kusaka bakokeshi bua kuenza malu kampanda bua kusulakaja bantu bende.​—Mis 68:20; Nsu 21:1.

Kadi bobu bakuele pebe mu buloko bua ditabuja diebe? Kuelakanyi to, Yehowa udi nebe. (Gen 39:21-23; Mis 105:17-20) Ikala mutuishibue ne: neakufute bua ditabuja diebe, umanye ne: muoyo webe mutoke udi ukankamija bena Kristo nebe pa buloba bujima.​—Flp 1:12-14; Bua 2:10.

NUTANGILE FILME WA DIPATULA BANA BETU BA MU CORÉE MU BULOKO, PASHISHE NUANDAMUNE NKONKO EYI:

• Bua tshinyi munkatshi mua bidimu bia bungi bavua bele bana betu binunu ne binunu mu buloko mu Corée du Sud?

• Mmapangadika kayi a kabadi avua mafikishe ku dipatuisha bamue bana betu mu buloko bua musangu wa kumpala?

• Ntshinyi tshitudi mua kuenza bua kuambuluisha bana betu badibu bakuate bua ditabuja diabu?

• Mmunyi mutudi ne bua kuenza malu ne budikadidi butudi nabu lelu?

• Nnganyi udi menemene utuambuluisha mu ditshimuna dietu dionso dia ku tubadi?