Udi ne bidimu kubangila pa 23 too ne ku 65, muikale mu mudimu wa ku dîba ne ku dîba anyi? Udi ne makanda a mubidi mimpe, ne mudiakaje bua kuambuluisha muaba wonso udibu dijinga ne bamanyishi anyi? Biobi nanku, ukadi muelaku meji a kuwuja formilere bua kuya ku Kalasa ka bamanyishi ba Bukalenge anyi? Katshia kalasa aka katuadija, bana betu binunu ne binunu balume ne bakaji badi mu mabaka ne bajike mbuwuje formilere bua kuyaku. Kadi tudi tujinga ne: bana betu ba bungi batshidi bajike bayuwuje. Lomba Yehowa avudije dijinga diebe dia kumusankisha ne dia kuidikija Muanende. (Mis 40:8; Mat 20:28; Eb 10:7) Keba kabidi mushindu wa kukepesha mêba autu wenza malu ebe makuabu bua ukumbaje malu malomba.

Mmidimu kayi idi bana betu badi baya kuntu aku mua kuenza bobu bamane kujikija kalasa aka? Batu batuma bamue ba kudibu miaba idibu bakula miakulu mikuabu, anyi bua kuenza mudimu wa pa buawu wa diyisha mu bimenga binene. Bakuabu bobu batu balua kubatuma bua kuambuluisha batangidi ba bijengu, kulua mene batangidi ba bijengu, anyi bamisionere. Paudi wenda wela meji a tshiudi mua kuenza mu mudimu wa Yehowa apu, amba pebe anu muakamba muprofete Yeshaya ne: “Mmeme eu! Untume!”​—Yes 6:8.

NUTANGILE FILME WA BAMISIONERE MBENJI BA MUDIMU WA DINOWA, PASHISHE NUANDAMUNE NKONKO EYI:

• Batu basungula bana betu badi ne bua kulua bamisionere mushindu kayi?

• Bamisionere batu benza mudimu kayi muimpe?

• Tela amue mabenesha a mu mudimu wa bumisionere