Kuipata muntu mu tshisumbu kudi kutshilama ne kululamija muenji wa mpekatu. (1Ko 5:6, 11) Patudi tuitaba dinyoka dia kudi Yehowa edi, tudi tuleja dinanga. Tudi tuamba nanku bua tshinyi padi eku dipata muntu mu tshisumbu dinyingalaja bonso badidi ditangila, too ne balela ba muntu au ne komite udi mumulumbuluishe?

Kupita bionso, tudi tuleja mutudi banange lumu lua Yehowa ne mikenji yende idi itulomba bua kuikala ba tshijila. (1Pt 1:14-16) Kabidi tudi tuleja mutudi banange muntu udibu bipate au. Dinyoka dikole didi mua kusama ku muoyo, kadi didi mua kupatula “dimuma dia buakane.” (Eb 12:5, 6, 11) Tuetu tusomba ne muntu muipata anyi udi mudiumbukile mu tshisumbu, tudi tutshiamakana dinyoka dia Yehowa kumpala. Kupu muoyo ne: Yehowa udi unyoka bantu bende “mu mushindu mukumbane” to. (Yel 30:11) Tuitabe dinyoka dia kudi Yehowa ne tutungunuke ne kuenza malu etu a mu nyuma anu bu pa tshibidilu, batekemene ne: muanetu udi mupambuke au neapingane kudi Tatu wetu wa luse.​—Yes 1:16-18; 55:7.

NUTANGILE FILME WA LAMA LULAMATU LUEBE NE MUOYO UMUE, PASHISHE NUANDAMUNE NKONKO EYI:

• Baledi bena Kristo batu bumvua bishi padi muanabu ulekela Yehowa?

• Mmunyi mudi tshisumbu mua kuambuluisha bena mu dîku badi bashale ne lulamatu?

• Mmuyuki kayi wa mu Bible udi uleja ne: mbimpe kulamata Yehowa kupita mutudi balamate bena mu dîku dietu?

• Mmunyi mutudi mua kuleja ne: tudi balamate Yehowa kupita mutudi balamate bena mu dîku dietu?