Bufuki budi buamba butumbi bua Yehowa. (Mis 19:1-4; 139:14) Kadi ndongoluelu wa Diabolo eu udi upatula ngenyi ya kudi muoyo mufumine idi ipetula Nzambi. (Lom 1:18-25) Mmunyi muudi mua kupangisha ngenyi ya nunku bua kayedi miji mu mitu ne mu mioyo ya bana bebe? Bambuluisha patshidibu bana batekete bua bapete dishindika dia ne: Yehowa udiku ne udi uditatshisha buabu, muntu pa nkayende. (2Ko 10:4, 5; Ef 6:16) Enza bua bapatule patoke ngenyi misokome idibu balonge mu tulasa, pashishe wenze mudimu ne bintu bidiku bua kulenga mioyo yabu.—Nsu 20:5; Yak 1:19.

ELA FILME WA TSHIDI BENA MULONGO NEBE BAMBA: KUITABUJA NZAMBI, PASHISHE NUANDAMUNE NKONKO EYI:

• Mbualu kayi butu bantu batamba kudifuikakajila pa bidi bitangila dikalaku dia Nzambi?

• Mu tulasa tuenu batu bamba bishi?

• Tshidi tshikujadikila wewe ne: Yehowa udiku ntshinyi?

• Mmunyi muudi mua kuambuluisha muntu bua kunanaye lungenyi ne kumona ne: Nzambi ke Mufuki wa bionso?