Yezu wakalongesha ne: “Nuvua bapete tshianana, nufile tshianana.” (Mat 10:8) Bua kuleja ne: tudi tuitaba buludiki abu, katuena tufutshisha bantu dikuta bua Bible anyi mikanda idi imumvuija itudi tubapesha to. (2Ko 2:17) Nansha nanku, mikanda eyi idi ne malu malelela a mushinga mukole a mu Dîyi dia Nzambi. Bua kuyipatula ne kuyituma mu bisumbu bia pa buloba bujima, bidi bikengela mudimu wa bungi ne makuta. Nanku, tuangate anu itudi nayi dijinga.

Ikala ne busunguluji paudi upesha bantu mikanda nansha wewe uyisha miaba idi bantu ba bungi. (Mat 7:6) Pamutu pa kupesha muntu udi upita patupu mukanda, dienzeja bua kuyukila nende ne kumona ni bidi bimusankisha. Udi mua kuandamuna ne: eyowa nansha ku lumue lua ku nkonko idi mu kazubu kadi ku luseke aka anyi? Wewe kuyi mua kumanya ni bidi bisankisha muntu, mbimpe kumupesha trakte. Bushuwa, yeye mulombe tshibejibeji anyi mukanda kayi wonso, tumupeshawu ne disanka dionso. —Nsu 3:27, 28.