Ditekemena didi bu luongo. (Eb 6:19) Didi dituambuluisha bua kuepuka ditonkoka dia mu nyuma patudi tutuilangana ne tshipepele tshikole pa mâyi manene. (1Tm 1:18, 19) Tshipepele etshi tshidi tshikongoloja diedibua mâyi ku makasa, dijimija dia bintu, masama a munanunanu, difuisha muntu utudi banange anyi bualu kayi buonso budi buluisha muoyo wetu mutoke.

Ditabuja ne ditekemena bidi bituambuluisha bua kumona bimpe difutu didibu batulaye. (2Ko 4:16-18; Eb 11:13, 26, 27) Nanku, nansha tuetu ne ditekemena dia kuya mu diulu anyi kushala pa buloba, tudi ne bua kudikolesha misangu yonso patudi tuelangana meji pa milayi idi mu Dîyi dia Nzambi. Nunku, padi ntatu itukuata nebikale bipepele bua tuetu kushala anu ne disanka.—1Pt 1:6, 7.

NUTANGILE FILME WA NUSANKE MU DITEKEMENA, PASHISHE NUANDAMUNE NKONKO EYI:

• Mose udi tshilejilu tshimpe tshia tuetu kulonda bua tshinyi?

• Bamfumu ba mêku badi ne bujitu kayi?

• Mbiena-bualu kayi binudi mua kulonga mu ntendelelu wenu wa mu dîku?

• Ditekemena didi mua kukuambuluisha bua kutantamena ntatu ne dikima dionso mushindu kayi?

• Ntshinyi tshiudi mutekemene ne muoyo kuulu kuulu kumpala eku?