Pavua Yezu pa buloba wakaleja mushinga udi nawu mukenji eu wa ne: “Nemeka tatuebe ne mamuebe.” (Eks 20:12; Mat 15:4) Bivua bushuwa bipepele bua Yezu kuamba mêyi aa bualu patshivuaye muana ‘uvua anu utumikila’ baledi bende. (Luk 2:51, dim.) Pakakolaye wakenza bua bashale kutabalela mamuende panyima pa lufu luende.—Yne 19:26, 27.

Mu matuku etu aa kabidi, bansonga bena Kristo badi batumikila baledi babu ne bakula nabu ne kanemu badi baleja mudibu babanemeka. Bushuwa, mukenji wa kunemeka baledi betu kawena ushikila tshikondo kampanda to. Nansha pakadi baledi betu bakulakaje, tuetu tuteleja ngenyi yabu tudi tuleja ne: tudi tutungunuka ne kubanemeka. (Nsu 23:22) Tudi kabidi tunemeka baledi betu bakadi bakulakaje patudi tutabalela mushindu udibu badiumvua ne tubapesha makuta padibu nawu dijinga. (1Tm 5:8) Nansha tuetu bikale bansonga anyi bakulumpe, kuyukila ne baledi betu pa tshibidilu ke mushindu munene wa kubanemeka.

NUTANGILE FILME WA BAZOLA BIMFUANYI WA NE: MMUNYI MUNDI MUA KUYUKILA NE BALEDI BANYI? PASHISHE NUANDAMUNE NKONKO EYI:

• Bua tshinyi bidi mua kukukolela bua kuyukila ne baledi bebe?

• Mmunyi muudi mua kunemeka baledi bebe paudi uyukila nabu?

• Bua tshinyi mbimpe kudienzeja bua kuyukila ne baledi bebe? (Nsu 15:22)