BIUMA BIA MU DÎYI DIA NZAMBI | MATAYI 18-19
Dimuka bua kudilenduishi ne kulenduishi bakuabu
Yezu wakafila bilejilu bua kuleja mudi dilenduka ne dilenduisha bakuabu bikale bualu bunene.
-
‘Bualu budi bulenduishangana’ budi buleja bualu anyi nsombelu udi ufikisha muntu ku dilonda njila mubi, ku ditetuka anyi ku dikuluka mu bikadilu peshi mu mpekatu.
-
Bidi mua kuikala bitambe buimpe bua kuela muntu udi ufikisha mukuabu ku dilenduka dibue dia mpelu mu nshingu ne kumukupa mu mbuu
Mabue a mpelu
-
Yezu wakabela bayidi bende bua kumbusha too ne tshintu tshia mushinga bu mudi tshianza anyi dîsu, tshiotshi tshibalenduisha
-
Bidi mua kuikala bitambe buimpe bua kulekela tshintu tshia mushinga etshi ne kubuela mu Bukalenge bua Nzambi pamutu pa kuikala natshi kadi kuedibua mu Ngena udi tshimfuanyi tshia kabutu ka tshiendelele
Mu nsombelu wanyi, ntshinyi tshidi mua kundenduisha? Mmunyi mundi mua kuepuka kudilenduisha ne kulenduisha bakuabu?
