BUA TSHINYI?: Kabitu bipepele bua bampofu kuyikilabu ne bantu badibu kabayi bamanye to. Ke bualu kayi bidi bikengela kumanya mushindu muimpe wa kubayisha. Yehowa utu uditatshisha bua bampofu, ne mmubanange. (Lew 19:14) Tudi mua kumuidikija patudi tuya kukeba bampofu ne tubambuluisha bua bamumanye.

TSHIA KUENZA:

• ‘Keba’ bampofu. (Mat 10:11) Udi mumanye dîku didi ne mpofu anyi? Mu teritware wenu mutu tulasa anyi mpitadi, peshi bibambalu kampanda bidi dijinga ne mikanda ya bampofu anyi?

• Baleja ne: udi ubatabalela. Wewe muleje mpofu ne: udi mumunange ne umutabalela, neadiumvue bimpe paudi uya kumuyisha. Keba bualu budi bukoka ntema ya bantu muaba unudi au bua kutuadijilapu muyiki

• Bambuluisha bamanye Yehowa. Bua kuambuluisha bampofu anyi bantu badi kabayi bamona bimpe, bulongolodi buetu mbupatule mikanda ya mishindu mishilashilangane. Ebeja muntu au mushindu udiye musue kulonga. Mutangidi wa mudimu neenze muende muonso bua muanetu udi ku mikanda uwuje dilomba dia mikanda ya bampofu bilondeshile tshidibu balombe