Yehowa “Nzambi wa disanka” mmusue bua mudimu wa diyisha utusankishe. (1Tm 1:11) Bua disanka dietu kuvula, anu tuetu bakaje nyishilu wetu. Kuela bantu nkonko ke mushindu utu muyuki utuadija, ne kutu kabidi kujula bantu nyota ya kuyikila. Nkonko idi yambuluisha bantu bua kuela meji ne kunana lungenyi. (Mat 22:41-45) Tuetu tuela muntu nkonko ne tuindila bua atuandamune, neamone ne: tudi tumuangata ne mushinga. (Yak 1:19) Padi muntu utuandamuna, bidi bituambuluisha bua kumanya mua kuya ne muyuki.

NUTANGILE FILME WA AKAJA NYISHILU WEBE, UPETE DISANKA DIA KUVUIJA BANTU BAYIDI: IKALA WELA BANTU NKONKO, PASHISHE NUANDAMUNE NKONKO EYI:

• Jade uvua ne ngikadilu kayi mimpe?

• Nnkonko kayi ivua Neeta wela bua kuleja ne: uvua utabalelangana?

• Neeta uvua muele Jade nkonko kayi bua kuvudija dijinga diende dia kumvua lumu luimpe?

• Nnkonko kayi ivua Neeta muele Jade bua kumueleshisha meji?