Yehowa mmusue tumuenzele mudimu bua dinanga. (Mat 22:37, 38) Dinanga didi balongi bebe ba Bible banange nadi Nzambi nedibapeteshe bukole bua kushintuluka ne kushala anu bakole nansha mu ntatu. (1Yn 5:3) Nedibasake kabidi bua kubatijibua.

Ambuluisha balongi bebe ba Bible bua bamone mudi Nzambi mubanange. Tshilejilu ubebeje ne: “Bualu ebu budi bukulongesha tshinyi bua Yehowa?” anyi “Mmunyi mudi bualu ebu buleja ne: Nzambi mmukunange?” Bambuluisha bua bamone mudi Yehowa ubakuatshisha bobu pankayabu. (2Ku 16:9) Bapesha bilejilu bia mudi Yehowa muandamune masambila auvua muenze umulomba malu masunguluke, ne ubakankamije bua bajingulule mudi Yehowa wandamuna abu pabu. Patudi tumona mudi balongi ba Bible bumvua ne: Yehowa mmubanange ne bobu pabu bamunanga ne bajinga kuikala balunda bende, bidi bitusankisha bikole.

NUTANGILE FILME WA AMBULUISHA BALONGI BEBE BA BIBLE BUA BIKALE BADIA BULUNDA NE YEHOWA, PASHISHE NUANDAMUNE NKONKO EYI:

• Ndutatu kayi luvua Jade mutuilangane nalu?

• Mmunyi muvua Neeta mumuambuluishe?

• Mmunyi muvua Jade mufike ku ditantamena lutatu alu?