Anu bantu badi ne bikadilu bikezuke ke badi mua kuikala mu malanda masheme ne Yehowa. (1Pt 1:14-16) Padi balongi ba Bible batshimuna bibidilu bibi, badi pamuapa mua kupeta kabidi nsombelu muimpe mu dîku, kupeta makanda a mubidi, ne bidi mua kubambuluisha mu malu a makuta.

Umvuija bimpe mikenji ya Yehowa ya malu a bikadilu, tshidiye muyelele, ne malu mimpe adi muntu upeta padiye uyitumikila. Difila bua kuambuluisha balongi bebe ba Bible bua bashintulule ngelelu wabu wa meji, dîba adi nebafike ku dienza malu adi Nzambi musue. (Ef 4:22-24) Ubajadikile ne: ku diambuluisha dia Yehowa, badi mua kulekela tshibidilu tshibi kampanda tshikadi tshiele miji. (Flp 4:13) Ubalongeshe mua kusengelela Yehowa padibu badimona mu nsombelu udi ubasaka bua kuenza mpekatu. Ubambuluishe bua bajingulule nsombelu idi mua kubapangisha bua kuenza malu makane ne bayepuke. Ubakankamije bua bapingaje bikadilu bimpe pa muaba wa bikadilu bibi. Newikale ne disanka padi balongi ba Bible bashintulula nsombelu wabu ne diambuluisha dia Yehowa.

NUTANGILE FILME WA AMBULUISHA BALONGI BEBE BA BIBLE BUA BIKALE BALEKELA BIBIDILU BIBI, PASHISHE NUANDAMUNE NKONKO EYI:

• Mmushindu kayi uvua bakulu ne Neeta beyemene Jade?

• Mmunyi muvua Neeta muambuluishe kabidi Jade?

• Mmunyi muvua Jade mukebe diambuluisha dia kudi Yehowa?