Lumingu lua dia 1-7/4
MISAMBU 23-25
Musambu 4 ne disambila | Mêyi a mbangilu (Mun. 1)
1. “Yehowa udi Mulami wanyi”
(Min. 10)
Yehowa utu utulombola ne utukuba (Mis 23:1-3; w22.01 3-4 §5-6)
Yehowa utu utabalela batendeledi bende anu mutu mulami wa mikoko utabalela mikoko yende ne dinanga.
DIEBEJA NE: ‘Mmushindu kayi ukadi Yehowa muntabalele?’
2. Bubanji bua mu Dîyi dia Nzambi
(Min. 10)
-
Mis 23:3: “Njila ya buakane” nnjila kayi? Ntshinyi tshituambuluisha bua kushala anu mu njila eyi? (w11 15/2 24 §1-3)
-
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?
3. Dibala dia Bible
(Min. 4) Mis 23:1–24:10 (th dilonga 5)
4. Mua kubanga kuyukila ne muntu
(Min. 3) PADI MPUNGA UMUENEKA. Padi muntu ukuambila ne: udi ne malu mamutonde bua bidi bienzeka muaba udiye, mubadile mvese bua kumukankamija. (lmd dilongesha 2 kamutu ka bualu 5)
5. Dipinganyina muntu
(Min. 4) KU NZUBU NE KU NZUBU. Leja muntu udi muitabe bua kuangata broshire wa Shala ne muoyo kashidi! mututu tulonga Bibe ne bantu. (lmd dilongesha dia 9 kamutu ka bualu 3)
6. Ubavuije bayidi
Musambu wa 54
7. Katuena tuteleja dîyi dia benyi to
(Min. 15) Diyukidilangana.
Mikoko itu mimanye dîyi dia mulami wayi ne itu imulonda. Kadi itu inyema muenyi bualu ki mmimanye dîyi diende to. (Yne 10:5) Bia muomumue tuetu petu tudi tuteleja dîyi dia Yehowa ne Yezu, Balami ba kueyemena badi batunange. (Mis 23:1; Yne 10:11) Katutu tuteleja dîyi dia benyi badi bajinga kutekesha ditabuja dietu ne “mêyi a mashimi” to.—2Pt 2:1, 3.
Mu Genese nshapita muisatu mbalejamu musangu wa kumpala uvua bantu bateleje dîyi dia muenyi pa buloba. Satana wakadinga Eva ne mayele makole kayi uleja tshivuaye menemene to. Wakadivuija bu mulunda wende, kukonyangajaye mêyi a Yehowa, wamba muvua Yehowa ne meji mabi. Bia dibungama, Eva wakamuteleja, kumukebelabi yeye ne ndelanganyi yende lutatu lubi lutambe.
Lelu Satana udi wenza bua tupete dielakana bua Yehowa ne bulongolodi buende, umuangalaja ngumu ya dishima ne malu adi kaayi malelela mu kabujima kawu. Tuetu bumvue dîyi dia muenyi, tudi ne bua kunyema lubilu lukole. Kuditeleja nansha kakese anu bualu tutu basue kumanya malu onso kudi ne njiwu. Kabivua bilombe Satana mêyi a bungi bua kudinga Eva to. (Gen 3:1, 4, 5) Tshituenze ntshinyi muntu wa meji mimpe udi mutunange yeye ujinga kutuambila malu a dishima pa bitangila bulongolodi bua Yehowa?
Ela FILME wa Kuitabi “dîyi dia benyi” to. Pashishe webeje bateleji ne:
Mushindu uvua Jade muandamune mamuende uvua kayi Ntemu udi ukulongesha tshinyi?
8. Dilonga dia Bible dia tshisumbu
(Min. 30) bt nshap. 8 §1-4 ne kazubu kadi mu dib. 61-62
