Lumingu lua dia 29/4–5/5
MISAMBU 34-35
Musambu wa 10 ne disambila | Mêyi a mbangilu (Mun. 1)
1. ‘Tumbisha Yehowa dîba dionso’
(Min. 10)
Davidi uvua utumbisha Yehowa nansha pavuaye mu ntatu (Mis 34:1; w07 1/3 22 §11)
Davidi uvua uditumbishila mu Yehowa (Mis 34:2-4; w07 1/3 22 §13)
Mêyi avua Davidi utumbishe nawu Yehowa akakolesha balunda bende (Mis 34:5; w07 1/3 23 §15)
Pavuabu balekele Davidi kudi Abimeleke, wakaya mu tshipela, bantu 400 bavua malu avua Shaula wenza kaayi asankisha bakamulonda. (1Sm 22:1, 2) Davidi uvua pamuapa ne bantu abu mu lungenyi pavuaye wenda ufunda musambu eu.—Mis 34, mutu wa mukanda.
DIEBEJA NE: ‘Mmunyi mundi mua kutumbisha Yehowa pangayukile ne muntu kampanda mu bisangilu bialonda?’
2. Bubanji bua mu Dîyi dia Nzambi
(Min. 10)
-
Mis 35:19: Pavua Davidi mulombe Yehowa buakalekedi badi bamukine “bavinya mêsu abu” bivua bisua kumvuija tshinyi? (w06 15/5 20 §2)
-
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?
3. Dibala dia Bible
(Min. 4) Mis 34:1-22 (th dilonga 5)
4. Mua kubanga kuyukila ne muntu
(Min. 2) PADI MPUNGA UMUENEKA. Muyuki udi ujika kumpala kua wewe kuyisha muntu. (lmd dilongesha dia 1 kamutu ka bualu 4)
5. Dipinganyina muntu
(Min. 4) PADI MPUNGA UMUENEKA. (lmd dilongesha 2 kamutu ka bualu 4)
6. Umvuija malu audi witabuja
(Min. 5) Dinaya. ijwfq 59—Tshiena-bualu: Mmushindu kayi utu Bantemu ba Yehowa bakeba bua kumanya mafesto adi mimpe? (th dilonga dia 17)
Musambu wa 59
7. Mishindu isatu ya kutumbisha Yehowa mu bisangilu
(Min. 15) Diyukidilangana.
Bisangilu bitu bitupetesha mpunga mimpe ya kutumbisha Yehowa. Tuakule bua isatu.
Miyuki: Paudi uyukila ne bakuabu, akula bua malu adi aleja buimpe bua Yehowa. (Mis 145:1, 7) Udiku mumvue anyi mubale bualu kampanda budi bukuambuluishe anyi? Udiku ne bualu kampanda buimpe buvua bukufikile mu buambi anyi? Muntu mmuenzaku bualu anyi mmuabe dîyi didi dikukoleshe anyi? Udiku mumone tshintu kampanda tshia mu bufuki tshidi tshikukemesha bikole anyi? Bintu bionso ebi mmapa a kudi Yehowa. (Yak 1:17) Ikala ufika muaba wa bisangilu minite ndambu kumpala kua biobi kutuadija bua upete dîba dia kuyukila ne bakuabu.
Mandamuna: Dienzeja bua kuikala kuandamuna nansha musangu umue mu bisangilu. (Mis 26:12) Udi mua kufila diandamuna dia lukonko anyi kuakula bua ngenyi mikuabu idi mu tshikoso, kumvuija mvese, anyi tshimfuanyi peshi kupatula dilongesha. Bu muikala bantu bakuabu mua kuela bianza kuulu, longolola mandamuna a bungi. Bantu ba bungi nebapete mushindu wa ‘kupesha Nzambi mulambu wa kumutumbisha nawu’ wewe ufila mandamuna mu tusunsa 30 anyi muinshi.—Eb 13:15.
Misambu: Ikala wimba misambu ya Bukalenge ne disanka. (Mis 147:1) Tshisumbu tshienu tshiotshi ne bantu ba bungi, pamuapa kabakukusungula bua kuandamuna to. Kadi udi anu mua kuimba misambu pamue ne bakuabu. Yehowa udi usanka bikole paudi udienzeja bua kuyimba nansha wewe wela meji ne: kuena ne dîyi dimpe to. (2Ko 8:12) Udi mua kuimba misambu ayi kumbelu bua kudilongolola.
Ela FILME wa Mudi malu etu maye kumpala too ne lelu—Dipa dia misambu. Tshitupa tshia 1. Pashishe webeje bateleji ne:
Mmunyi muvua bana betu bavua batuadije ne bulongolodi buetu bikondo bietu ebi baleje ne: kutumbisha Yehowa ne misambu kudi ne mushinga?
