Lumingu lua dia 17-23/3
NSUMUINU 5
Musambu wa 122 ne disambila | Mêyi a mbangilu (Mun. 1)
1. Nyema masandi
(Min. 10)
Malu a masandi adi mua kufikisha muntu kudikuluka mu buteyi (Nsu 5:3; w00 15/7 29 §1)
Kuenda masandi kutu kubungamija muntu ne kumushiya ne kanyinganyinga (Nsu 5:4, 5; w00 15/7 29 §2)
Nyema masandi (Nsu 5:8; w00 15/7 29 §5)
Muanetu wa bakaji ubenga kupesha nsongalume nimero yende
2. Bubanji bua mu Dîyi dia Nzambi
(Min. 10)
-
Nsu 5:9: Mmunyi mudi kuenda masandi mua kufikisha muntu ku difila bunême buende kudi “bantu bakuabu”? (w00 15/7 29 §7)
-
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?
3. Dibala dia Bible
(Min. 4) Nsu 5:1-23 (th dilonga 5)
4. Mua kubanga kuyukila ne muntu
(Min. 3) MUABA UDI BANTU BA BUNGI. Bikila muntu udi kayi muena Kristo mu Tshivulukilu, ubuele mu jw.org bua kumukebela muaba wenzekela Tshivulukilu udi pabuipi nende. (lmd dilongesha 6, kamutu ka bualu 4)
5. Dipinganyina muntu
(Min. 4) KU NZUBU NE KU NZUBU. Muntu uudi uyisha uvua muangate dibeji dia dibikila nadi bantu mu Tshivulukilu ne uvua muleje dijinga dia kumanya malu makuabu. (lmd dilongesha dia 9, kamutu ka bualu 5)
6. Ubavuije bayidi
(Min. 5) lff dilongesha dia 16, tshia kukuata, diambulula, ne tshipatshila. Mulongi wa Bible yeye mukuebeja bikala Yezu ni uvua musele, muleja mua kupeta diandamuna. (lmd dilongesha dia 11, kamutu ka bualu 4)
Musambu wa 121
7. Dielelayi mikenji ya munudi mua kushala bakezuke mu tshikondo tshinudi nutantshilangana
(Min. 15) Diyukidilangana.
Padi muntu mulume ne muntu mukaji benzelangana malu adi aleja mudibu banangangane, tutu tuamba ne: badi batantshilangana. Badi mua kuenza nanku padibu pa bantu anyi padibu nkayabu, ku telefone anyi mu mesaje. Badi mua kuambila bakuabu ne: badi batantshilangana anyi kubenga kubambila. Ki ntshikondo tshia bilela to, kadi ntshikondo tshia mushinga mukole tshidi mua kubafikisha ku diselangana. Mmalu kayi adi mua kuambuluisha bansonga anyi bakulumpe bua kuepuka malu adi mua kubafikisha ku dienda masandi padibu batantshilangana?—Nsu 22:3.
Ela katupa ka FILME wa Mua kudilongolola bua kubuela mu dibaka—Tshitupa 1: Nkadi mukumbane bua kutantshilangana anyi? Pashishe webeje bateleji ne:
-
Bua tshinyi ki mbimpe bua muntu kutuadija kutantshilangana padiye kayi pabuipi bua kubuela mu dibaka? (Nsu 13:12; Luk 14:28-30)
-
Tshivua tshikusankishe ntshinyi bua mushindu uvua baledi bambuluishe muanabu wa bakaji?
Bala Nsumuinu 28:26. Pashishe webeje bateleji ne:
-
Ntshinyi tshidi bantu badi batantshilangana mua kuenza bua kuepuka malu adi mua kubafikisha ku dienda masandi?
-
Bua tshinyi mbimpe bantu badi batantshilangana badianjile kuyukila bua malu a mananga adibu mua kuenzelangana anyi kuepuka, bu mudi kukuatangana ku tshianza anyi kutuangana mishiku?
Bala Efeso 5:3, 4. Pashishe webeje bateleji ne:
-
Ntshinyi tshidi bantu badi batantshilangana ne bua kuvuluka bua bidibu bayukila ku telefone anyi miaba ya dipetelangana ku Enternete?
8. Dilonga dia Bible dia tshisumbu
(Min. 30) bt nshap. 24 §1-6
