TUIKALAYI NE NSOMBELU WA BUENA KRISTO
Mua kulongesha ne broshire wa Teleja Nzambi
Broshire wa Teleja Nzambi mmuenza ne bimfuanyi bua kulongesha bantu badi ne lutatu lua kubala malu malelela a nshindamenu a mu Bible. Dilongesha dionso didi ne mabeji abidi. Mudi bimfuanyi bilongolola bimpe ne mishionyi idi ne tumiketa tudi tuambuluisha bua kuyukila bilondeshile mudibi bilondangane.
Broshire wa Teleja Nzambi bua upete muoyo wa tshiendelele udi ne bimfuanyi bia muomumue ne bia wa Teleja Nzambi, kadi yeye udi ne malu mafunda adibu mua kubala kudi balongi badi bamanye kubala. Pa tshibidilu bamanyishi batu balongesha nende bantu, babapesha bobu wa Teleja Nzambi. Mu mabeji ende a bungi mudi tuzubu tudi ne malu makuabu a kuyukila ne mulongi bilondeshile tshidiye.
Udi mua kufila umue wa ku broshire eyi dîba dionso nansha yeye kayi wa kufila ngondo au. Paudi ulonga Bible ne muntu, mumvuija miyuki ya mu Bible ku diambuluisha dia bimfuanyi. Bua kumanya bikala mulongi mumvue, muela nkonko akule pende. Bala mvese idi kuinshi kua dibeji dionso, nuyukidilanganapu. Nuenu bajikije broshire eu, nulonge mukanda wa Bible utu ulongesha tshinyi menemene? anyi wa Mmalu kayi adi Bible utulongesha? bua kuambuluisha mulongi webe bua afike ku ditambula.