25:1-12

Nansha muvua tshilejilu tshia Yezu tshia nsongakaji dikumi itshivua tumama tshitangila nangananga bayidi bende bela manyi, mukenji watshi udi utangila kabidi bena Kristo bonso. (w15 15/3 12-16) “Nanku nushale batabale, bualu kanuena bamanye dituku ne dîba.” (Mat 25:13) Udi mua kumvuija tshilejilu tshia Yezu etshi anyi?

• Musedianganyi (mvese wa 1): Yezu

• Nsongakaji itshivua tumama ivua midimuke ivua midilongolole (mvese 2): Bena Kristo bela manyi badi badilongolole bua kukumbaja mudimu wabu ne lulamatu luonso, ne bakenka bu miendu too ne ku nshikidilu (Flp 2:15)

• Lubila lua ne: “Musedianganyi nyeye eu!” (mvese 6): Tshijadiki tshia dikalaku dia Yezu

• Nsongakaji itshivua tumama ivua mitshimbakane (mvese wa 8): Bena Kristo bela manyi badi bapatuka bua kuakidila Musedianganyi, kadi kabayi bashala batabale ne kabayi balama muoyo wabu mutoke

• Dibenga dia nsongakaji itshivua tumama ivua midimuke bua kupesha mikuabu manyi (mvese wa 9): Panyima pa dituibua tshitampi tshia ndekelu, dîba nedikale dimane kupita bua bela manyi ba lulamatu kuambuluishabu muntu yonso udi kayi mushale ne lulamatu

• “Musedianganyi wakalua” (mvese wa 10): Yezu nealue kulumbuluisha bantu kumpala kua dikenga dinene kujikadi

• Nsongakaji itshivua tumama ivua midimuke yakabuela ne musedianganyi mu tshibilu tshia dibaka, kukangabu tshiibi (mvese wa 10): Yezu udi usangisha bela manyi ba lulamatu mu diulu, kadi badi kabayi ne lulamatu kabakupeta difutu diabu dia kuya mu diulu to