MUSHINGA: Padi balongi ba Bible badilongolola, badi mua kumvua malu atudi tubalongesha bipepele ne kuavuluka. Bobu baumvua ne baavuluka, nebaye kumpala ne lukasa luonso. Nansha bobu bamane kubatijibua, nebibalombe anu bua kudilongolola bua bisangilu ne mudimu wa buambi bua ‘kushalabu batabale.’ (Mat 25:13) Nunku kumanya mua kudilongela ne kuikala ne tshibidilu tshimpe tshia kudilongela nekubambuluishe mu nsombelu wabu mujima. Anu patudi tutuadija kubalongesha apu, tudi ne bua kubambuluisha bua bikale ne tshibidilu tshia kulongolola dilonga dia Bible.

TSHIA KUENZA:

• Ikala tshilejilu tshimpe. (Lom 2:21) Longolola dilonga dionso muikale ne mulongi mu lungenyi. (km 11/15 3) Muleja muudi muele mishonyi mu webe mukanda

• Mukankamija bua ikale udilongolola. Padi dilonga dienu dishindama, umuleje ne: kudilongolola ntshimue tshitupa tshia dilonga dia Bible, ne umuleje masanka apetaye. Mupesha ngenyi mimpe ya mudiye mua kupeta dîba dia kudilongolola. Balongeshi bakuabu batu bapesha balongi mukanda udibu bele mishonyi padibu balonga nabu bua kubaleja mudi kudilongolola kuambuluisha. Mulongi yeye mudilongolole, umuele kalumbandi

• Muleja mua kudilongolola. Anu ku ntuadijilu, bamue balongeshi batu bangata dîba dia dilonga dionso bua kuleja balongi babu mua kudilongolola