• Funda adrese wa kuebe. Wewe mumone ne: ki mbimpe kumufunda, udi mua kufila adrese wa ku Nzubu wa Bukalenge bikala bakulu bakuanyishile. Tshidibi, kuena ne bua kufunda adrese wa Betele bienze bu ne: ngua kuebe NANSHA KAKESE.

• Funda dîna dia muntu biwikala mudimanye. Tuetu benze nanku, neamone ne: tudi bamufundilawu yeye nkayende.

• Funda miaku bimpe, ulonde bimpe gramere anyi mikenji ya muakulu, wele tukoselu ne bitudilu pa muaba wabi. Mukanda udi ne bua kuikala mufunda bimpe ne mankenda. Wewe muwufunde ku tshianza, udi ne bua kuikala mupepele bua kuwubala. Mukanda webe kawikadi bu mufundila mulunda webe anyi bu mufundila mfumu wa mudimu to.

Mukanda wa tshilejilu udi ulonda eu udi uleja malu aa. Ki ngua kulonda anu mudiwu emu paudi ufundila pebe muntu kampanda wa mu teritware webe to. Ufunde webe mukanda bilondeshile tshiudi wipatshila, ne bilondeshile nsombelu ne bilele bia muaba unudi.