BIUMA BIA MU DÎYI DIA NZAMBI | YOBO 16-20

Kankamija bakuabu, ubakoleshe ne mêyi mimpe

TELEJA MU

Mêyi a muntu udi ubela bakuabu adi ne bua kubakolesha

Yobo uvua ukenga bikole ne uvua ne kanyinganyinga ka bungi, nunku uvua dijinga ne bakuabu bua bamukankamije
Balunda basatu ba Yobo kabakamusamba to, kadi bakamubanda ne mêyi mabi, kumutentekelabu dikenga pa dikuabu

19:2, 25

Yobo uvua mudile kudi Nzambi umulomba disulakana, ujinga nansha ne: afue
Yobo uvua mutekemene ne muoyo mujima ne: neabishibue ku lufu, ke kutungunukaye ne kunanukila ne lulamatu

Elifaza:

Pamuapa muena Temana wa mu buloba bua Edome. Yelemiya 49:7 udi uleja ne: Temana uvua muaba uvua meji onso a bena Edome masangile
Bidi bimueneka ne: Elifaza ke uvua muntu mukole uvua ne dîyi dia kuamba ku bantu bavua balue ‘kusamba’ yobo, ne yeye ke uvua muakule kumpala. Wakakula misangu isatu mutantshi mule kupita bena diende babidi

Malu a dishima avuaye muambe:

Wakapepeja muoyo mutoke wa Yobo, kuambaye ne: Nzambi katu weyemena batendeledi bende to (Yobo 4, 5)
Wakamba muvua Yobo muena budisu ne muntu mubi, kuambaye kabidi ne: kavua utshina Nzambi nansha kakese (Yobo 15)
Wakabanda Yobo ne: mmuena lukuka ne muena malu mabi, kuambaye ne: muntu kena ne mushinga kudi Nzambi to (Yobo 22)

Biledada:

Wa mu ndelanganyi ya Shua. Uvua mua kuikala musombele ku muelelu kua musulu wa Efelata
Yeye ke muntu muibidi uvua muakule. Uvua muakule anu kakese misangu isatu, kadi mêyi ende avua atapa ku muoyo kupita avua Elifaza muakule

Malu a dishima avuaye muambe:

Wakamba ne: bana ba Yobo bavua benze bubi ke bualu kayi bavua bakumbanyine lufu, kuambaye kabidi ne: Yobo muine uvua mubenge Nzambi (Yobo 8)
Wakamba ne: Yobo uvua muenji wa malu mabi (Yobo 18)
Wakamba ne: muoyo mutoke wa muntu udi tshianana (Yobo 25)

Sofâ:

Muena Namata, uvua pamuapa wa ku nord-ouest kua Arabie
Yeye ke muntu muisatu uvua muakule, mubande Yobo ne mêyi mashile. Uvua muakule anu misangu ibidi

Malu a dishima avuaye muambe:

Wakamba muvua Yobo wakula mêyi a bungi a patupu, umuambila bua umbushe malu ende mabi (Yobo 11)
Wakamba ne: Yobo uvua muntu mubi uvua musue kuenza mpekatu (Yobo 20)

MABEJI A TSHISANGILU TSHIA NSOMBELU NE MUDIMU WETU

Tshiluba

Kankamija bakuabu, ubakoleshe ne mêyi mimpe

https://cms-imgp.jw-cdn.org/img/p/202016123/univ/art/202016123_univ_sqr_xl.jpg

mwb16 ngondo 4 dib. 3