Tshidimu tshionso etshi bana betu ba bungi bakadi balekele bisangilu anyi kuyisha batu balua mu Tshivulukilu. Bavua batuadije lubilu lua kupeta muoyo, kadi balue kuteketa bua malu mashilashilangane, amue a kudiwu mbaatele mu broshire wa Pingana kudi Yehowa. (Eb 12:1) Nansha nanku, Yehowa utshidi anu ubangata ne mushinga bualu uvua mubasumbe ku mashi a Muanende. (Bz 20:28; 1Pt 1:18, 19) Mmunyi mutuabambuluisha bua kupinganabu mu tshisumbu?

Bakulu mu tshisumbu batu baya kukeba bena Kristo bakadi balekele bisangilu anyi kuyisha anu mutu mulami wa mikoko ukeba mukoko udi mupambuke. (Luk 15:4-7) Ebi bidi bileja mudi Yehowa ubatabalela ne dinanga. (Yel 23:3, 4) Yonso wa kutudi udi mua kukankamija bana betu aba, ki nganu bakulu to. Patudi tudienzeja bua kubaleja dinanga ne buwetu Yehowa udi usanka ne utubenesha bikole. (Nsu 19:17; Bz 20:35) Nanku ela meji bua baudi mua kukankamija, ubakankamije ne lukasa luonso!

NUMONE FILME WA KANKAMIJA BADI BALEKELE BISANGILU ANYI KUYISHA, PASHISHE NUANDAMUNE NKONKO EYI:

• Ntshinyi tshivua Abbey muenze pakapetanganaye ne Ntemu uvuaye kayi mumanye?

• Bua tshinyi mbimpe kuambila bakulu patudi basue kuambuluisha muntu ukadi mulekele bisangilu anyi kuyisha?

• Mmunyi muvua Abbey mudilongolole bua kuya kukumbula Laura bua musangu muibidi?

• Mmunyi muvua Abbey muleje lukunukunu, lutulu ne dinanga pavuaye ukankamija Laura?

• Tshilejilu tshivua Yezu mufile mu Luka 15:8-10 tshidi tshitulongesha tshinyi?

• Mmasanka kayi akapeta Abbey bua bionso bivuaye muenze bua kuambuluisha Laura?