Pavua Paulo ne Sila mu buloko, bakatumbisha Nzambi ne misambu. (Bz 16:25) Bena Kristo netu ba matuku etu aa bavua bimbe pabu misambu ya Bukalenge pavuabu mu buloko bua Sachsenhausen bua bena Nazi mu Allemagne ne pavuabu baye nabu mu Sibérie. Bilejilu ebi bidi bileja bukole budi nabu misambu bua kupetesha bena Kristo badi mu makenga dikima.

Mu matuku makese emu, mukanda mupiamupia wa misambu wa ‘Tuimbile Yehowa ne disanka ne dîyi dikole’ neupatuke mu miakulu mikuabu ya bungi. Patudi anu tuupeta, tutuadije kuimba misambu mu ntendelelu wetu wa mu dîku bua tuyikuate ku muoyo. (Ef 5:19) Pashishe patuikala mu mateta, nyuma muimpe neatuambuluishe bua kuyivuluka. Misambu ya Bukalenge idi ituambuluisha bua kushala balamate ku ditekemena dietu. Idi itupetesha bukole patudi mu mateta. Nansha patudi bimpe, mêyi mimpe adimu neatusake bua ‘kuimba ne dîyi dikole dia disanka’ bua bungi bua disanka didi mu mioyo yetu. (1Ku 15:16; Mis 33:1-3) Tudienzejayi bonso bua kuimba misambu eyi ne disanka!

NUMONE FILME WA MUSAMBU WAKAKOLESHA BENA BULOKO. PASHISHE NUANDAMUNE NKONKO EYI:

• Tshivua tshisake muanetu Frost bua kuenza musambu ntshinyi?

• Musambu au uvua mukoleshe bana betu mu buloko bua mu Sachsenhausen mushindu kayi?

• Misambu ya Bukalenge idi mua kukukolesha mu nsombelu kayi?

• Mmisambu ya Bukalenge kayi iudi wewe musue kukuata ku muoyo?