Kutuadijila tshidimu etshi, netuikale ne dîba dia bungi dia kudilongolola bua Tshivulukilu tshia lufu lua Kristo. Tshivulukilu tshiotshi tshienzeka munkatshi mua lumingu, katuakuenza Tshisangilu tshia Nsombelu ne mudimu wetu lumingu alu to. Tshiotshi tshienzeka mu Disambombo anyi mu Dia lumingu, kakuakuikala muyuki wa patoke ne dilonga dia Tshibumba tshia Nsentedi to. Newenzaku mudimu bimpe ne dîba diuvua mua kuya mu bisangilu adi anyi? Anu bu mu bidimu lukama bia kumpala, kudi amue malu audi mua kulongolola bua bualu bua mushinga ebu. (Luka 22:7-13; km 3/15 1) Kadi kudi malu makuabu atudi ne bua kuenza bua tshikondo tshituvua mua kuya mu bisangilu atshi tshituambuluishe. Mmalu kayi au?

• Elangana meji bua mushinga wa dibuela mu Tshivulukilu.—1Ko 11:23-26

• Sambila, wele meji a mudi malanda ebe ne Yehowa.​—1Ko 11:27-29; 2Ko 13:5

• Bala malu a mu Bible adi umvuija mushinga udi nawu Tshivulukilu, welangane meji au.—Yne 3:16; 15:13

Kudi bamanyishi batu babala mvese ya dibala dia Bible bua Tshivulukilu itu mu Tukonkononayi Mifundu dituku dionso ne belangana meji ayi. Bakuabu batu babala mvese idi mu tablo udi kuinshi eu. Kadi banga batu bobu babala biena-bualu bia mu Tshibumba tshia Nsentedi bidi biakula bua Tshivulukilu ne bua dinanga didi Yehowa ne Yezu batuleje. Nansha wewe mua kusungula mushindu kayi wa kudilongela, enza bua ukusemeje pabuipi menemene ne Yehowa ne muanende.