Dinyoka ditu nangananga diumvuija mubelu anyi dilongesha. Kadi didi kabidi mua kumvuija kupingajangana mu njila anyi kututa. Yehowa utu utulongesha bua tumutendelele mu mushindu udiye wanyisha. (Lom 12:1; Eb 12:10, 11) Kudi misangu idi dinyoka mua kutusama, nansha nanku didi ditufikisha ku buakane ne ku masanka. (Nsu 10:7) Ntshinyi tshidi bantu badi bafila dinyoka anyi badi badipeta ne bua kushala bamanye?

Mufidi wa dinyoka. Bakulu, baledi, ne bantu bakuabu batu badienzeja bua kufila dinyoka ne bulenga ne dinanga, bidikija Yehowa. (Yel 46:28) Nansha dinyoka diodi dikole mbimpe kudifila ne dinanga ne bilondeshile dijinga didiku.​—Tit 1:13.

Muntu udi upeta dinyoka. Nansha bobu batupeshe dinyoka dia mushindu kayi, katudibengi to, tutumikile diakamue tshidibu batuambile. (Nsu 3:11, 12) Bu mutudi bapange bupuangane, tuetu bonso tutu dijinga ne mibelu; tudi mua kuyipeta mu mishindu mishilashilangane. Tudi mua kuyipeta mu dibala dietu dia Bible anyi mu bisangilu. Kudi misangu idibi mua kukengela ne: babelele bamue mu komite wa dilumbuluisha. Kutumikila mubelu anyi kuitaba dinyoka, kudi kufikisha ku muoyo.​—Nsu 10:17.

NUTANGILE FILME WA “YEHOWA UDI UNYOKA BANTU BADIYE MUNANGE,” PASHISHE NUANDAMUNE NKONKO EYI:

• Nsombelu wa Canon uvua bishi ku ntuadijilu? Mmunyi muvuaye mulue kushintuluka?

• Ndinyoka kayi divua Yehowa mumupeshe ne dinanga dionso?

• Bualu buende ebu budi butulongesha tshinyi?