Mu “matuku a ku nshikidilu” atudi tutantamena aa, tudi bamanye ne: ntatu neyivule bikole. (2Tm 3:1; tangila dimanyisha “grandes souffrances” didi mu Mat 24:8 mu nwtsty mu Mfualansa) Patu tshipupu tshikuata bantu ba Yehowa, batu bapeta buludiki bua tshia kuenza pa dîba bua kukubabu muoyo wabu. Didilongolola dietu ku mpindieu, mu nyuma ne ku mubidi bua kuleja mutudi tutumikila bidibu batuambila ke didi mua kulua kutupandisha.​—Luk 16:10.

• Dilongolola mu nyuma: Ikala ne bibidilu bimpe. Longa mishindu mishilangane ya diyisha. Wewe mudimone kule ne bena Kristo nebe mu tshisumbu bua tshikondo kampanda, kupampakanyi to. (Yes 30:15) Kuena kule ne Yehowa ne Yezu nansha.​—od-F 176 §15-17

• Dilongolola ku mubidi: Pa kumbusha bibuta, dîku dionso didi ne bua kuambula bintu bungi bukumbanyine bu mudi biakudia, mâyi, manga a kunua, ne bintu bikuabu bidi mua kunuambuluisha dîba diakengelabi bua nuanji kushala muaba kampanda matuku.​—Nsu 22:3; g17.5-F 4, 6

NUTANGILE FILME WA UKADI MUDILONGOLOLE BUA BIPUPU ANYI? PASHISHE NUANDAMUNE NKONKO EYI:

• Leja mutudi mua kudilongolola mu nyuma bua tshipupu.

• Bua tshinyi tudi ne bua . . .

  • kuikala tuyukidilangana bimpe ne bakulu?

  • kulongolola bintu bidi mua kutuambuluisha tshipupu tshiotshi tshitukuate?

  • kukonkonona mishindu ya bipupu bidi mua kuenzeka, ne kumanya tshia kuenza mu nsombelu yonso?

• Mmishindu kayi isatu itudi mua kuambuluisha bakuabu padi tshipupu tshibakuate?

DIEBEJA NE: ‘Tshipupu tshia korona (COVID-19) ntshindongeshe malu kayi bua dikala mudilongolole?