Musangelu utu wambulukilangana. Utu wenza bua bateleji betu bateye ntema ku bitudi tuamba. Udi uleja kabidi ne: tudi tuangata mukenji utudi tuyisha ne mushinga. Nansha tuetu bakolele muaba kayi anyi bikale ne bumuntu bua mushindu kayi, tudi anu mua kupeta musangelu. (Lom 12:11) Mushindu kayi?

Tshia kumpala, ela meji a mushinga udi nawu mukenji uudi uyisha. Udi ne diakalenga dia ‘kumanyisha lumu luimpe lua malu mimpe.’ (Lom 10:15) Tshibidi, ela meji bua mudi lumu luimpe mua kuambuluisha badi bakuteleja. Badi ne dijinga dikole dia kumvua biudi ubambila. (Lom 10:13, 14) Tshisatu, akula ne muoyo mujima, wenza jeste ne tshilunji tshia mpala anu muutu matuku onso.

NUTANGILE FILME WA AKAJA NYISHILU WEBE, UPETE DISANKA DIA KUVUIJA BANTU BAYIDI: LONGESHA NE DISANKA, PASHISHE NUANDAMUNE NKONKO EYI:

• Ntshinyi tshivua tshijimijile Neeta disanka dia kulongesha Jade Bible?

• Ntshinyi tshivua tshimuambuluishe bua kupetulula disanka adi?

• Bua tshinyi mbimpe tuimanyine pa ngikadilu mimpe ya bantu batudi tuyisha?

• Disanka dietu didi mua kuambuluisha balongi betu ba Bible ne bantu bakuabu mushindu kayi?