TUIKALAYI NE NSOMBELU WA BUENA KRISTO
Kanda majinga ebe
Bu mutudi bapange bupuangane, tudi ne bua kuikala anu tudienzeja bua kukanda majinga etu. Tuetu baalekele atukokesha, Yehowa kakutuanyisha to. Tshilejilu, bamue batu balekela dijinga dia kupeta tshiakudia, tshia kuvuala, ne kaba ka kusombela bijimija dinanga didibu nadi kudi Nzambi. Bakuabu batu basankisha majinga abu a disangila, kabayi banemeka mikenji ya Nzambi nansha kakese to. (Lom 1:26, 27) Banga pabu batu balekela bantu babasaka bua kuenza malu mabi anu bualu mbasue bua bantu abu babanange anyi babanyishe.—Eks 23:2.
Tshia kuenza ntshinyi bua kukanda majinga etu? Tudi ne bua kuenza muetu muonso bua kuimanyina anu pa malu adi asankisha Nzambi. (Mat 4:4) Tudi kabidi ne bua kulomba Yehowa bua atuambuluishe bua kukanda majinga etu. Bua tshinyi? Bualu mmumanye tshidi tshimpe buetu tuetu ne mmumanye mua kusankisha majinga etu adi mimpe.—Ms 145:16.
NUTANGILE FILME WA KULEKEDI MUOYO WEBE UNYANGUKA NE MUISHI WA MAKANYA TO, PASHISHE NUANDAMUNE NKONKO EYI:
-
Bua tshinyi bamue bantu batu banua makanya?
-
Kunua makanya kudi mua kukuenzela tshinyi?
-
Kunua makanya nkubi bua tshinyi?—2Ko 7:1
-
Udi mua kukandamena dijinga dia kunua makanya!
Ntshinyi tshiudi mua kuenza bua kulekela kunua makanya anyi kubenga kuanua?
