Bu mudi nshikidilu wa ndongoluelu wa malu eu wenda usemena, tudi bamanye ne: ndululu, malu a tshinyangu, ne mvita nebivule. (Bua 6:4) Mmushindu kayi utudi mua kudilongolola bua ntatu yalua?

• Dilongolola bua kushala ne lulamatu: Keba bua kumanya mêyi manene a mu Bible ne miyuki idimu idi mua kukuambuluisha bua kutamba kueyemena Yehowa ne bulongolodi buende ne kubenga kubuelakana mu malu a pa buloba. (Nsu 12:5; jr 125-126 §23-24) Tshikondo tshitudi ke tshikondo tshia tuetu kukolesha bulunda buetu ne bana betu mu tshisumbu.​—1Pt 4:7, 8

• Dilongolola bua kushala ne makanda a mubidi mimpe: Longolola malu bua usombele muaba wa bukubi, wikale kabidi ne biakudia bungi bukumbane. Ulongolole malu bua tshiwenza biobi bikengela kumbuka muaba uudi au. Utangilule bintu bidi mu tshibuta tshiudi mua kuya natshi, kuyi upua bintu bia kudikuba nabi ne makuta muoyo to. Wikale ne nimero ya bakulu bua ubabikile, ne bobu pabu bikale ne yebe bua bakubikile.​—Yes 32:2; g17.5-F 3-7

Padiku ndululu, lama bibidilu biebe bia malu a mu nyuma. (Flp 1:10) Ushale musombe kumbelu. Udi mua kumbuka anu biobi bilomba kuenza nanku. (Mat 10:16) Abanyinangana biakudia ne bintu bikuabu.​—Lom 12:13.

NUTANGILE FILME WA UKADI MUDILONGOLOLE BUA BIPUPU ANYI? PASHISHE NUANDAMUNE NKONKO EYI:

• Mmushindu kayi udi Yehowa utuambuluisha mu bikondo bia bipupu?

• Mmalu kayi atudi mua kuenza bua kudilongolola?

• Mmushindu kayi utudi mua kuambuluisha bana betu badi bipupu bikuate?