Dibala dia Bible dimana kukuata ntshinyi? Mmêyi makuata a dibala dia Bible wa Nkudimuinu wa bulongolodi bupiabupia muakajilula. Badi benda baapatula mu miakulu ya bungi ku kakese ku kakese. Bumue bua ku malu adi enze bua dibala edi dikale diambuluisha budi ne: mbakuatamu mêyi a bantu bashilashilangane bilondeshile bantu badibu bakuile mu Bible. Badi babala miaku ne tshikuma tshidi tshikengedibua ne mu mushindu udi uleja muvua bantu badiumvua bua kupatula mukenji wa mu Bible ne bujalame buonso.

Mmunyi mudi dibala dia Bible dimana kukuata diambuluishe bamue bantu? Bitu bisankisha bantu ba bungi batu bateleja Bible wa mêyi makuate bua kumona mudiye wenza bua malu adi mu dîyi dia Nzambi alue anu bu adi enda enzeka. Batu bamona ne: padibu bateleja dîyi dia muntu yonso udibu bakuila mu Bible, bidi bibambuluishe bua kumona malu adibu bakuila mu Bible au bimpe mu mitu yabu ne kumvua kabidi bimpe menemene bidi bifunda mu Bible. (Nsu 4:5) Bakuabu batu kabidi bamona ne: kuteleja Bible wa mêyi makuate kutu kuenza bua badiumvua bimpe padibu ne tunyinganyinga.​—Mis 94:19.

Kuteleja dîyi dia Nzambi padibu badibala ne dîyi dikole kutu ne bukole bua bungi mu nsombelu wetu. (2Ku 34:19-21) Biobi ne: Bible wa mêyi makuate mujima anyi tshitupa tshiende ukadiku mu muakulu uudi umvua, kuenaku mua kuvuija dimuteleja pa tshibidilu bualu bua mu nsombelu weba anyi?

NUTANGILE KATUPA KA FILME WA DIPATULA BIBLE WA MÊYI MAKUATA, PASHISHE NUANDAMUNE LUKONKO ELU:

Tshidi tshikusankisha wewe bua dikuata mêyi a dibala dia Bible ntshinyi?