TUIKALAYI NE NSOMBELU WA BUENA KRISTO
Dituadija muyuki ne bantu dikale dikusankisha
Kutuadija muyuki ne bantu padi mpunga umueneka ngumue wa ku mishindu ya diyisha itu ifila disanka. Kadi tudi mua kuanji kumvua ka buôwa bua kutuadija muyuki tuetu batamba kusamisha mutu bua mutudi mua kuleja muntu lungenyi kampanda lua mu Bible. Pamutu pa kusamisha mutu bua biudi mua kuamba bua kuyisha muntu, leja muudi uditeka pa muaba wende. (Mat 22:39; Flp 2:4) Dîba diudi uyikila ne muntu mpunga wa wewe kumuyisha yeye mumueka, kudi biamu bia mudimu bia bungi bidi mua kukuambuluisha.
Mmunyi mudi biamu bidi bilonda ebi mua kukuambuluisha bua kuyisha muntu bilondeshile lukonko ludiye ujula?
NUTANGILE FILME WA “TSHIAMU TSHISAKISHA TSHIAMU TSHIKUABU”—MUA KUTUADIJA KUYUKILA NE BANTU, PASHISHE NUANDAMUNE LUKONKO ELU:
Mmalu kayi asatu manene adi mua kutuambuluisha bua kuakaja nyishilu wetu?
