Bua tshinyi tudi ne bua kusungula mushindu muimpe wa dipitshisha kapepe? Bualu malu atudi tumona mu filme anyi mu manaya a video, atudi tuteleja mu misambu, ne atudi tubala mu mikanda anyi ku Enternete adi abuela mu lungenyi luetu. Malu au adi alombola bienzedi bietu. Bia dibungama, mishindu ya dipitshisha kapepe ya bungi idiku lelu mmiuwule tente ne bintu bidi Yehowa mukandike. (Mis 11:5; Gal 5:19-21) Ke bualu kayi Bible udi utukankamija bua kutungunuka ne kuelela malu adi atumbisha Yehowa meji.—Flp 4:8.

NUTANGILE FILME WA MUA KUSUNGULA DIPITSHISHA KAPEPE DIMPE PASHISHE NUANDAMUNE NKONKO EYI:

• Ku kale, bena Lomo bavua babandila manaya a bantu baluangana ne nyama anyi ne bantu nabu bua kupitshisha kapepe; manaya au mmafuanangane ne mishindu ya dipitshisha kapepe ya lelu ku tshinyi?

• Mmunyi mudi bena mu tshisumbu mua kuambuluisha bansonga bua kusungula mishindu mimpe ya dipitshisha kapepe?

• Mmunyi mudi Lomo 12:9 mua kutuambuluisha bua kusungula mishindu mimpe ya dipitshisha kapepe?

• Tela mishindu mimpe ya dipitshisha kapepe ya muaba unudi?