Kuteta tshinyi? Bumpanda-njila bua pa tshibidilu! Neupete masanka mapite bungi!​—Nsu. 10:22.

• kulua mumanyishi mupiluke, ne kunanga buambi bikole

• kukolesha malanda ebe ne Yehowa. Wewe utamba kuambila bantu malu ende, newikale uvuluka ngikadilu yende idi ikemesha

• kupeta disanka didi difumina ku diteka malu a Bukalenge kumpala kua ebe, ne didi difumina ku didifila bua bakuabu.​—Mat 6:33; Bz 20:35

• kubuela mu tshisangilu tshia bampanda-njila mu dikumbula dia mutangidi wa tshijengu, mu tshisangilu tshia pa buatshi tshitu bampanda-njila benza kumpala kua mpuilu wa tshijengu, ne mu Kalasa ka bampanda-njila

• kupeta mpunga ya bungi ya kutuadija malonga a Bible ne kualombola

• kuyisha mêba a bungi ne bamanyishi bakuabu, nuenda nukoleshangana.​—Lom 1:11, 12