Lelu, mbipepele bua kukutakaja nsombelu wetu ne malu a bungi. Bitu bilomba dîba ne makanda bua kuya kukeba bintu mu makazen, kubisumba, kuenza nabi mudimu, kubilama bimpe ne kubikuba. Yezu uvua muenze bua ikale ne nsombelu mupepele bua bintu bia ku mubidi kabimupangishi bua kukumbaja mudimu wende.​—Mat 8:20.

Mmunyi muudi mua kupepeja nsombelu webe bua wewe kuyisha bikole? Nuenu bakaje amue malu mu dîku dienu, muntu nansha umue kenaku mua kulua mpanda-njila anyi? Nansha wewe muikale mu mudimu wa ku dîba ne ku dîba mpindieu, udiku mulekele bintu bia ku mubidi bikutakaja nsombelu webe ku kakese ku kakese anyi? Nsombelu mupepele mu mudimu wa Yehowa udi upetesha disanka.​—1Tm 6:7-9.

Funda mishindu iudi mua kupepeja nsombelu webe.