Yehowa wakambuluisha bapele mu Isalele wa kale. Mmishindu kayi idiye wambuluisha bantu bende badi bapele lelu eu?

• Mmubalongeshe mua kuikala ne mmuenenu muimpe wa makuta.​—Luk 12:15; 1Tm 6:6-8

• Mmubambuluishe bua bikale badiumvua bangatshibue ne mushinga.​—Yobo 34:19

• Mmubalongeshe bua kuikala benji ba mudimu, ne bua kuepuka bibidilu bibi.​—Nsu 14:23; 20:1; 2Ko 7:1

• Mmubabueje mu dîku diende didi dienza kudi bena Kristo nabu badi babanange.​—Yne 13:35; 1Yn 3:17, 18

• Mmubapeshe ditekemena.​—Mis 9:18; Yes 65:21-23

Nansha nsombelu wetu mua kunyanguka mushindu kayi, ki mbimpe tuetu kuditatshisha nansha. (Yes 30:15) Tuetu batungunuke ne kukeba tshia kumpala Bukalenge bua Nzambi, Yehowa neatupeshe bintu bitudi tukengela.​—Mat 6:31-33.

NUTANGILE FILME WA DINANGA KADIENA DISHIKILA . . . NANSHA PATUDI MU BUPELE​—CONGO, PASHISHE NUANDAMUNE NKONKO EYI:

• Mmunyi mudi bana betu bavua pabuipi ne miaba ya dienzela mpungilu baleje bena Kristo nabu bavua bafumine kule dinanga?

• Filme eu mmukulongeshe tshinyi bua mudi Yehowa uleja bapele dinanga?

• Nansha tuetu ne bintu anyi katuyi nabi, mmunyi mutudi mua kuidikija Yehowa?