Lumingu lua dia 29/7–4/8
MISAMBU 69
Musambu wa 13 ne disambila | Mêyi a mbangilu (Mun. 1)
1. Mukavua Misambu 69 mudianjile kumanyisha malu avua menzekele Yezu
(Min. 10)
Bakakina Yezu kakuyi bualu (Mis 69:4; Yne 15:24, 25; w11 15/8 11 §17)
Yezu uvua ne tshisumi bua nzubu wa Yehowa (Mis 69:9; Yne 2:13-17; w10 15/12 8 §7-8)
Yezu wakapeta kanyinganyinga kakole ne bakamupesha mvinyo musambakaja ne bintu bia bululu (Mis 69:20, 21; Mat 27:34; Luk 22:44; Yne 19:34; g95-F 22/10 31 §4; it-2-F 600)
LUKONKO LUA KUELELA MEJI: Bua tshinyi Yehowa wakafundisha mêyi a buprofete adi atangila Masiya mu Mifundu ya tshiena Ebelu?
2. Bubanji bua mu Dîyi dia Nzambi
(Min. 10)
-
Mis 69:30, 31: Mmunyi mudi mvese eyi mua kutuambuluisha bua kuakaja masambila etu? (w99 15/1 18 §11)
-
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?
3. Dibala dia Bible
(Min. 4) Mis 69:1-25 (th dilonga 2)
4. Muvua Yezu muleje lutulu
(Min. 7) Diyukidilangana. Ela FILME, pashishe nuyukile bua malu adi mu lmd dilongesha dia 8 kamutu ka bualu 1 ne 2.
5. Idikija lutulu lua Yezu
(Min. 8) Diyukidilangana dimanyine mu lmd dilongesha dia 8 kamutu ka bualu 3-5 ne “Tangila kabidi.”
Musambu wa 134
6. Majinga a tshisumbu
(Min. 5)
7. Malu a kulonda bua ntendelelu wa mu dîku
(Min. 10) Diyukidilangana.
Mu ngondo wa 1/2009, tuakatuadija kuenza Dilonga dia Bible dia Tshisumbu, Kalasa ka Mudimu wa Nzambi, ne Tshisangilu tshia Mudimu mu tshisangilu tshimue tshia munkatshi mua lumingu. Biakapetesha bena mu mêku onso mpunga wa kusungula dilolo dimue ku lumingu bua kuenza ntendelelu wa mu dîku. Programe eu mmusankishe bantu ba bungi bualu udi ubambuluisha bua balonge malu a Yehowa ne bakoleshe malanda ne bena mu mêku abu.—Dut 6:6, 7.
Mmalu kayi adi bamfumu ba mêku mua kuenza bua ntendelelu wabu wa mu dîku ikale tshikondo tshia disanka?
-
Ikalayi numuenza pa tshibidilu. Kuoku mushindu, tekayi dituku dia kuenza ntendelelu wa mu dîku lumingu luonso. Nuenu bapangile mua kumuenza dituku dinudi bateke, numuenze dituku dikuabu
-
Dilongololayi. Ikala ulomba mukajebe ngenyi, uyilombe kabidi bana bebe matuku makuabu. Didilongolola kadiena dilomba kuvudija malu a bungi to, nangananga bena mu dîku bobu banange kuenza malu a muomumue lumingu luonso
-
Malu a kulonga ikale apetangana ne majinga a yonso wa mu dîku. Majinga a bana ne lungenyi luabu bidi bishintuluka padibu bakola. Ntendelelu wenu wa mu dîku ambuluishe muena mu dîku yonso bua kukola mu nyuma
-
Muntu yonso adiumvue bimpe ne munangibue. Kuulu kuoku kuimpe, nuikale kabidi nuenzela ntendelelu wa mu dîku pambelu. Nudi mua kuikala nuangata tuminite tua dikisha. Nansha mudibi bimpe bua kuakula bua ntatu idi bana batuilangana nayi, tshikondo tshia ntendelelu wa mu dîku ki ntshia kubatandisha anyi kubanyoka to
-
Nuikale nushintulula malu a kuakuila. Tshilejilu, nudi mua kulongolola tshitupa tshia bisangilu, kutangila filme mu jw.org ne kuakuila malu adimu, anyi kuenza dinaya dia tshia kuamba mu buambi. Nansha mudi diyukidilangana ne bua kuikala nshindamenu wa ntendelelu wa mu dîku, mbimpe kushila kabidi yonso wa kunudi dîba dia kudilongela pa nkayende
Andamunayi lukonko elu:
-
Mmunyi munudi badienzeje bua kutumikila ngenyi eyi mu ntendelelu wenu wa mu dîku?
8. Dilonga dia Bible dia tshisumbu
(Min. 30) bt nshap. 13 §8-16, ne kazubu kadi mu dib. 119
