TUIKALAYI NE NSOMBELU WA BUENA KRISTO
Vuluka mukaji wa Lota
Bua tshinyi mukaji wa Lota wakatangila panyima pavuaye unyema mu Sodoma? Bible ki mmuambe to. (Gen 19:17, 26) Didimuija divua Yezu mufile edi didi dileja ne: uvua mua kuikala ujinga bintu bivuaye mushiye panyima. (Luk 17:31, 32) Ntshinyi tshitudi mua kuenza bua kubenga kujimija dianyisha dia Yehowa bu mukaji wa Lota? Katuena ne bua kuteka dikeba bintu bia ku mubidi pa muaba wa kumpala to. (Mat 6:33) Yezu uvua muambe ne: katuena “mua kuikala bapika ba Nzambi ne ba Biuma popamue to.” (Mat 6:24) Kadi tuetu bamone ne: malu a ku mubidi akadi mangate muaba wa malu a mu nyuma mu nsombelu wetu, netuenze tshinyi? Mbimpe tusambile Yehowa bua atupeshe dijingulula dia malu bua kumona malu atudi mua kuakaja, ne tumulombe kabidi dikima ne bukole bua kuashintulula.
VULUKA BITUPA BISATU BIA FILME WA VULUKA MUKAJI WA LOTA, PASHISHE NUANDAMUNE NKONKO EYI:
-
Mmushindu kayi udi malu andi ngenza mua kuleja ne: ndi ‘mvuluka mukaji wa Lota’?
Mmunyi muvua disaka Gloria bua kukeba makuta a bungi dishintulule ngelelu wende wa meji, ngakuilu wende, ne bienzedi biende?
-
Mmushindu kayi udi tshilejilu tshia mukaji wa Lota tshikale didimuija kutudi lelu?
-
Mmunyi muvua kutumikila mêyi manene a mu Bible kuambuluishe Joe ne dîku diende?
-
Mmushindu kayi uvua balunda ba Anna ku mudimu batekeshe didifila diende ku malu a mu nyuma?
-
Bua tshinyi bidi bikengela tuikale ne dikima bobu batusake bua kuteka dikeba dia makuta pa muaba wa kumpala?
-
Mmunyi muvua Brian ne Gloria bapingajilule malu a mu nyuma pa muaba wa kumpala?
-
Mmêyi manene kayi a mu Bible audi umona apatukila mu malu adi mu filme eu?
