Yehowa mmutupeshe “tshisumbu tshijima” tshia bena Kristo netu balume ne bakaji bua kutuambuluisha. (1Pt 5:9) Bana betu aba badi mua kutuambuluisha bua kutantamena ntatu itudi tupeta mu mudimu wa buambi. Tshilejilu, Akila, Pisikila, Sila, Timote, ne bantu bakuabu bavua bambuluishe mupostolo Paulo.​—Bz 18:1-5.

Bena Kristo nebe badi mua kukuambuluisha mu mudimu wa buambi mushindu kayi? Badi mua kukupesha ngenyi mimpe ya mua kuyisha muntu padiye wamba bualu budi bukupangisha bua kumuyisha, ya mua kupinganyina bantu, anyi ya mua kulombola malonga a Bible. Keba muntu mu tshisumbu tshienu udi mua kukuambuluisha bimpe, umulombe akuambuluishe. Kakuyi mpata, nebinuambuluishe bonso, ne nebinupeteshe bonso disanka.​—Flp 1:25.

NUTANGILE FILME WA ITABA DIAMBULUISHA DIA KUDI YEHOWA, UPETE DISANKA DIA KUVUIJA BANTU BAYIDI: BANA BETU, PASHISHE NUANDAMUNE NKONKO EYI:

• Mmunyi muvua Neeta mudienzeje bua kukankamija Jade bua kubuela mu bisangilu?

• Bua tshinyi mbimpe tuikale tulomba bamanyishi bakuabu bua baye kutufila mu malonga a Bible?

• Ntshintu kayi tshivua Jade ne Abigay banange bonso?

• Mmishindu kayi ya diyisha idi benzejanganyi nebe ba mudimu mua kukulongesha?