Munyemi wa lubilu udi ne bua kutungunuka ne kuibidija mubidi wende bua ikale anu mupiluke mu dinyema. Bia muomumue, tudi ne bua kudienzeja bikole bua tuikale anu tuibidija bieledi bietu bia meji bia kujingulula nabi malu. (Eb 5:14) Tudi ne bua kuibidija bukole butudi nabu bua kuela meji ne kudiangatshila mapangadika pamutu pa kuikala anu ne tshibidilu tshia kuidikija mapangadika a bakuabu. Bua tshinyi? Bualu yonso wa kutudi neabadile Nzambi malu bua mapangadika ende.​—Lom 14:12.

Katuena ne bua kuamba ne: bu mutudi babatijibue kukadi bidimu bia bungi netuangate anu mapangadika mimpe to. Bua kuangata mapangadika mimpe, bidi bikengela tueyemene Yehowa, Dîyi diende, ne bulongolodi buende ne muoyo mujima.​—Yos 1:7, 8; Nsu 3:5, 6; Mat 24:45.

NUTANGILE FILME WA “IKALA ANU NE KONDO KA MUOYO KIMPE,” PASHISHE NUANDAMUNE NKONKO EYI:

• Emma uvua kumpala kua dipangadika kayi dia kuangata?

• Bua tshinyi ki mbimpe kuambilangana tshia kuenza mu malu adi atangila kondo ka muoyo?

• Mmibelu mimpe kayi ivua bena dibaka kampanda bapeshe Emma?

• Mmuaba kayi uvua Emma mupetele malu avua mua kumuambuluisha mu nsombelu uvua mumufikile?