Mu ngondo wa 11, netudienzeje bikole bua kumanyisha bantu ne: buloba bulenga bukadi pabuipi. (Mis 37:10, 11; Bua 21:3-5) Akaja programe webe bua umone mua kuyisha bikole tshikondo atshi. Wewe muwuje dibeji bua kuikala mpanda-njila muambuluishi ngondo au, udi mua kufila mêba 30 anyi 50.

Dilongolola bua kubadilaku bantu ba bungi mvese udi wakula bua bulongolodi bupiabupia. Paudi usungula mvese, keba malu adi mua kusankisha bena mu teritware wenu. Muntu yeye muanyishe muyuki wenu anu musangu wa kumpala unudi nuyukila, mupesha Tshibumba tshia Nsentedi tshia bantu bonso tshia No. 2/2021. Pashishe, umupinganyine lukasa, ne nutuadije kulonga nende Bible ne broshire wa Shala ne muoyo wa kashidi! Kudifila ne muetu muonso bua kumanyisha “lumu luimpe lua bualu buimpe” ndiakalenga dinene be!​—Yes 52:7.

NUTANGILE FILME WA MUSAMBU WA PA BUAWU WA BULOBA BUPIABUPIA BUALUA, PASHISHE NUANDAMUNE NKONKO EYI:

• Mmalu kayi mimpe atshilualua adi kana ka bakaji aku kadifuanyikijila?

• Mmalu kayi a mu buloba bupiabupia audi wewe muindile?

• Mmunyi mudi kuela meji a ditekemena diudi nadi mua kukuambuluisha bua udiakaje bua kuyisha bikole mu ngondo wa 11?​—Luk 6:45