Tuetu katuyi bapete mudimu wa bianza wa kuenza, bidi mua kutukolela bua kukeba tshia kumpala Bukalenge bua Nzambi ne buakane buende. Tudi mua kupona mu diteta dia kuitaba mudimu udi utupangisha bua kuenzela Yehowa mudimu, anyi udi ubengangana ne mêyi manene a mu Bible. Kadi mbimpe tumanye ne: Yehowa udi uleja bukole buende “kudi bantu badi ne muoyo mujima kudiye.” (2Ku 16:9) Kakuena tshintu tshidi mua kupangisha Tatu wetu wa dinanga bua kutupetesha bitudi tukengela nansha. (Lom 8:32) Ke bualu kayi, tuetu tusua kusungula mudimu wa kuenza, mbimpe tueyemene Yehowa, ne tutungunuke ne kudifila mu dimuenzela mudimu.​—Mis 16:8.

NUTANGILE FILME WA ENZELA YEHOWA MUDIMU NE ANYIMA WEBE YONSO, PASHISHE NUANDAMUNE NKONKO EYI:

• Jason uvua mubenge kuitaba dimukosa dia mishiku bua tshinyi?

• Kolosayi 3:23 udi ututangila petu ku tshinyi?

• Mmunyi muvua tshilejilu tshimpe tshia Jason tshiambuluishe Thomas?

• Mmunyi mudi Matayi 6:22 ututangila petu?