Padibu batutatshisha bidi mua kutukebela disama anyi kutubungamija. Tuetu bumvue buôwa dîba didibu bakula bibi bua ntendelelu wetu, badi mua kunyanga bulunda buetu ne Yehowa. Mmunyi muudi mua kudikuba padibu bakutatshisha?

Batendeledi ba Yehowa ba bungi mbakokeshe bua kupita bimpe ne dibatatshisha pavuabu bamueyemene. (Mis 18:17) Tshilejilu, Esetê wakangata dîyi, kuelaye mayele a muntu mubi Hamana patoke. (Est 7:1-6) Kumpala kua kuenzaye nanku, wakajila biakudia bua kuleja muvuaye weyemena Yehowa bikole. (Est 4:14-16) Yehowa wakabenesha malu onso avuaye muenze, kumukubaye yeye ne bantu ba mu tshisamba tshiabu.

Wewe pebe padibu bakutatshisha anu bu Esetê, lomba Yehowa diambuluisha ne yukila ne muntu mushindame bua bualu abu, bu mudi muledi webe. Ikala mutuishibue ne: Yehowa neakuambuluishe anu muvuaye muambuluishe Esetê. Ntshinyi tshikuabu tshiudi mua kuenza bua kumanya tshia kuenza padibu bakutatshisha?

NUTANGILE FILME WA NSONGA WA TSHITENDE—NTSHINYI TSHINDI MUA KUENZA PADIBU BANKEBA BILUMBU? PASHISHE NUANDAMUNE NKONKO EYI:

• Ntshinyi tshidi tshilejilu tshia Charlie ne tshia Ferin mua kulongesha bansonga?

  Andamuna

• Ntshinyi tshidi malu adi Charlie ne Ferin bambe mua kulongesha baledi bua mudibu mua kuambuluisha bana babu bua bamanye tshia kuenza padibu babatatshisha?

  Andamuna