Lumingu lua dia 16-22/9
MISAMBU 85-87
Musambu wa 41 ne disambila | Mêyi a mbangilu (Mun. 1)
1. Disambila didi dituambuluisha bua kunanukila
(Min. 10)
Lomba Yehowa bua akuambuluishe wikale ne disanka (Mis 86:4)
Lomba Yehowa akuambuluishe bua ushale ne lulamatu (Mis 86:11, 12; w12 15/5 25 §10)
Ikala mutuishibue ne: Yehowa neandamune masambila ebe (Mis 86:6, 7; w23.05 13 §17-18)
DIEBEJA NE: ‘Patu ntatu inkuata, ntu nsambila misangu ya bungi ne ngenza masambila male anyi?’—Mis 86:3.
2. Bubanji bua mu Dîyi dia Nzambi
(Min. 10)
-
Mis 86:11: Disambila divua Davidi muenze didi dituambila tshinyi bua muoyo wa muntu? (it-1-F 492 §2)
-
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?
3. Dibala dia Bible
(Min. 4) Mis 86:1–87:7 (th dilonga dia 12)
4. Mua kubanga kuyukila ne muntu
(Min. 3) PADI MPUNGA UMUENEKA. Lomba muntu bua nutuadije kulonga nende Bible. (lmd dilongesha 3, kamutu ka bualu 5)
5. Dipinganyina muntu
(Min. 4) PADI MPUNGA UMUENEKA. Lomba muntu bua nulonge nende Bible. Mmuntu uvua mukuleje musangu mushale muvuaye mumvue bibi bua bualu kampanda buvua buenzeke. (lmd dilongesha 7, kamutu ka bualu 4)
6. Divuija bantu bayidi
(Min. 5) lff dilongesha dia 15, kamutu ka bualu 5. Bu muwikale kuyiku lumingu lualonda, ambila mulongi tshiudi mulongolole bua lumingu alu kalupitshi kayi mulonge Bible to. (lmd dilongesha 10, kamutu ka bualu 4)
Musambu wa 83
7. Kulekedi to
(Min. 5) Diyukidilangana.
Ela FILME. Pashishe webeje bateleji ne:
-
Bua tshinyi kudi misangu itudi mua kumvua bua kulekela kuyisha?
-
Bua tshinyi katuena ne bua kulekela kuyisha?
8. Tungunuka ne kulomba bantu bua kulonga nabu Bible!
(Min. 10) Diyukidilangana.
Udi mutuadije kulonga Bible ne bantu ku diambuluisha dia broshire wa Shala ne muoyo kashidi! mu kampanye ka pa buaku mu ngondo eu anyi? Biobi nanku, udi ne bua kuikala ne disanka dia bungi be! Disanka diebe adi ndikankamije bana betu bakuabu pabu. Kadi wewe kuyi mupete muntu wa kulonga nende Bible, pamuapa udi udiebeja bikala bionso biudi wenza ni bidi ne mushinga menemene. Ntshinyi tshiudi mua kuenza wewe udiumvua mutekeshibue mu mikolo bua muudi kuyi mupete muntu wakulongesha Bible?
Ela FILME wa ‘Tudi tudianyishisha bu bena mudimu ba Nzambi ku lutulu’—Patudi tuyisha. Pashishe webeje bateleji ne:
-
Biobi bimueneka ne: bionso bitudi benze mu mudimu wa buambi mbiye mu mâyi, mmunyi mudi 2 Kolinto 6:4, 6 mua kutuambuluisha?
-
Mmalu kayi audi mua kuakaja wewe mumone ne: bionso biudi wenza bua kutuadija dilonga dia Bible ne muntu bidi tshianana?
Manya ne: ki mbungi bua malonga a Bible budi buenza ne: tuikale ne disanka to. Kadi kumanya ne: Yehowa udi usanka bua mutudi tudienzeja ke kudi kutupetesha disanka. (Luk 10:17-20) Nunku tungunuka ne kuyisha mu kampanye ka pa buaku aka ne muoyo mujima, mumanye ne: ‘mudimu webe mukole mu Mukalenge kawena tshianana nansha’!—1 Ko 15:58.
9. Dilonga dia Bible dia tshisumbu
(Min. 30) bt nshap. 15 §13-14, ne kazubu kadi mu dib. 137
