Lumingu lua dia 7-13/10
MISAMBU 92-95
Musambu wa 84 ne disambila | Mêyi a mbangilu (Mun. 1)
1. Kuenzela Yehowa mudimu ke bualu butambe buimpe mu nsombelu wetu!
(Min. 10)
Yehowa mmukumbane kumutendelela (Mis 92:1, 4; w18.04 26 §5)
Udi wambuluisha bantu bende bua kuangata mapangadika abapetesha disanka (Mis 92:5; w18.11 20 §8)
Udi wangata bantu badi bamuenzela mudimu ne mushinga wa bungi nansha bobu bakadi bakulakaje (Mis 92:12-15; w20.01 19 §18)
DIEBEJA NE: ‘Ntshinyi tshidi tshimpangisha bua kudilambula kudi Yehowa ne kubatijibua?’
2. Bubanji bua mu Dîyi dia Nzambi
(Min. 10)
-
Mis 92:5: Mmunyi mudi mêyi aa aleja bimpe ne: Yehowa udi ne meji? (cl 176 §18)
-
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?
3. Dibala dia Bible
(Min. 4) Mis. 94:1-23 (th dilonga 5)
4. Mua kubanga kuyukila ne muntu (Min. 4)
PADI MPUNGA UMUENEKA. Keba mpunga wa kuambila muntu malu a mudimu wa dilongeshangana Bible uudi wenza. (lmd dilongesha 5, kamutu ka bualu 3)
5. Dipinganyina muntu
Min. 3) PADI MPUNGA UMUENEKA. Lomba muntu uvua mubenge kulonga Bible kumpala bua nutuadije kulonga nende. (lmd dilongesha 8, kamutu ka bualu 4)
6. Divuija bantu bayidi
(Min. 5) Yukila ne mulongi wa Bible udi kayi uya kumpala. (lmd dilongesha 12, kamutu ka bualu 5)
Musambu 5
7. Padi tunyinganyinga tupita bansonga bukole
(Min. 15) Diyukidilangana.
Bantu badi benzela Yehowa mudimu batu bumvua pabu tunyinganyinga. Tshilejilu, Davidi wakumvua kanyinganyinga misangu ya bungi; nansha bana betu ba balume ba bungi batu pabu bumvua kanyinganyinga lelu eu. (Mis 13:2; 139:23) Bia dibungama, too ne bansonga batu pabu bakumvua. Kutu misangu itu tunyinganyinga tuenza bua bamone malu a pa tshibidilu bu mudi kuya mu kalasa, kubuela mu bisangilu kubatshiokesha. Tunyinganyinga tudi mene mua kubafikisha ku diumvua buôwa anyi ku diela meji a kudishipa.
Nsonga wetu, wewe umvua tunyinganyinga tukutshiokeshe, yukila ne muledi webe anyi ne muena Kristo mushindame mu nyuma. Kupu muoyo bua kulomba Yehowa diambuluisha mu disambila to. (Flp 4:6) Neakuambuluishe. (Mis 94:17-19; Yes 41:10) Tumonayi tshilejilu tshia Steing.
Ela FILME wa Yehowa uvua muntabalele. Pashishe webeje bateleji ne:
• Mvese kayi uvua muambuluishe Steing? Bua tshinyi?
• Mmunyi muvua Yehowa umutabalela?
Baledi wetu, nudi mua kuambuluisha bana benu bua kupita bimpe ne tunyinganyinga nuenu nubateleja ne ntema yonso, nubaleja munudi babanange, ne nubambuluisha bua bamone ne: Yehowa pende mmubanange. (Tit 2:4; Yak 1:19) Eyemenayi Yehowa bua anuambuluishe ne anupeshe bukole bua numone mua kuambuluisha bana benu.
Bidi mua kutukolela bua kumanya bikala muena Kristo netu mu tshisumbu muikale ne kanyinganyinga kakole anyi kumvua tshidiye umvua menemene. Kadi tuetu tuenza bua bana betu bonso mu tshisumbu bamone ne: tudi babanange ne Yehowa udi ubanyisha, bidi mua kubambuluisha.—Nsu 12:25; Eb 10:24.
8. Dilonga dia Bible dia tshisumbu
(Min. 30) bt nshap. 16 §6-9, ne kazubu kadi mu dib. 150
