Dimanyisha kudi baledi

Nkado kayi katambe buimpe kaudi mua kupesha bana bebe? Kudi bintu bia bungi bidibu nabi dijinga kuudi, bu mudi dinanga, bulombodi, ne bukubi. Kadi kado kadi ne mushinga mutambe wa bionso ebi kule ne kule nkubapesha dimanya dia Yehowa ne dia malongesha malelela adi mu Bible, Dîyi diende. (Yone 17:3) Dimanya dia mushindu eu didi mua kuambuluisha bana bebe bua kufika ku dinanga Yehowa ne ku dimuenzela mudimu ne muoyo mujima, kubangila mene anu ku buana buabu.​—Matayi 21:16.

Baledi ba bungi mbamone ne: bana batekete batu batumikila tumalongesha ne tumalu tua kuenza tua mu tshikoso bimpe menemene. Ke bualu kayi tudi ne disanka dia kupatula mukanda eu wa Malu andi ndonga mu Bible. Dilonga dionso ndilongolola bua kulongesha bana mu mushindu mupepele. Bimfuanyi ne miaku bidimu mbilongoluela nangananga bana ba bidimu bisatu ne ba bidimu bishadile ku bisatu. Mbelamu ne ngenyi ya tumalu tua kuenza. Mukanda wa Malu andi ndonga mu Bible ki mmuenza bu tshintu tshia bana kunaya natshi to. Kadi mmuenza bua wewe kuwubala pamue ne bana bebe, bua kunusaka ku diyukidilangana.

Tudi bajadike ne: mukanda eu newukuambuluishe paudi ulongesha bana bebe bulelela bua mu Bible kubangila anu “ku buana” buabu.​—2 Timote 3:14, 15.

Bana benu,

Kasumbu Kaludiki ka Bantemu ba Yehowa

[Tshimfuanyi mu dibeji 3]